Hotel Magdalena

a freindlich´s Haus mit Herz und Charme, da wird Dir scho beim Kumman warm! Begriaßt wirst herzlich, bedient sofuat, host an Hunga, des is guat! Glei steht - sogoa vur seina Zeit - a klasses Schmankerlbuffet bereit! Dei Hund kriagt neb´n an Wassa a Schmeckerli, Dann sog`n´s da den Weg zum Zimma hi! Na, des is wirkli sauba und adrett, herrlich gross, a leiwands Bett! I kann nua sag`n: a tolle G`schicht, hob g´strahlt glei übers ganze Gsicht! Tirol, Du bischt a bärig`s Land! I kimm wieda, drauf host mei Hand!

Mei Zimma und i - wir hab`n uns glei verstand`n, i könnt kaum woanders bessa land´n! Es hod mir geboten jeden Komfort und des is mehr als nur ein Wort! Gepflegt, sauber und täglich rein lud es mich immer wieder ein! Und am Balkon - des hätt i fast vergessen - is füa mi a grosser Aschenbecher g´wesen! Ihr sechts, sogoa a Raucherlein hods im "Magdalena" no recht fein!

In meina Angst, dass i vahungern kennt, bin i glei zum Greissler g´rennt. Hob kauft mir dort a Zusatzessen, den Schmäh kannst aber glei vagess´n. Wäu, ned nur, dass i vafress´n bin, hob zaht i des jetzt mit nach Wien. De Kuchl is dermassen opulent, weit mehr, als i dafuttern könnt! I trau ma des kaum zu erwähnen, sogoa da Hund tuat jetzt no stöhnen. I hob`s nimma g`schafft und mi geniert, dann hod da Hund mit mir diniert! Seid´s mir ned bes, ihr liabes Team, dass i so a frevelhaftes Luada bin! De Verpflegung is wirkli - i sog´s mit Stern: i gebat Euch an 5. gern!

Wos soll i sag`n, oafoch toll, bessa, als ma hoff´n soll! Zum Beschwer´n bin i goa nit kemman, weil´s Dir jeden Wunsch scho vorher nehman! I kann nur sag´n: egal ob Chefin oder Crew, sogoa de Laura und da Wasti sand freindli immazu! Und wannst ma des glaub´n magst, kehr ein dort, mach a Urlaubsrast. I bin ma sicha, kuaz und kloar, Du wirst dann sag`n: "des is woah" ! Obwohl i ohne Kinda bin, woa i im Spielraum aa no drinn: durt find´st wirkli, wos a Kind so will, vom Turngerät bis zum Computerspiel! Na, was der Wellnessbereich ollas bietet, darüber hob i lang gebrütet. Der is schlichtweg a Wucht, drum hob i eam a gern besucht!

Gehst am Balkon und schaust Di um, haut´s Di vor Begeisterung fast um! Die Landschaft host vua Dir, die Ortschaft und die Berg! Herrgott, da fühlst Di wia ana von de 7 Zwerg´! Kimmst so wia i aus ana Stadt, wirst vom Hinschau´n gar net satt! De Kiah gras´n friedlich, de Kirch´nglock´n leit, grad so wiast da vorstellst Dei Urlaubszeit! Die Ausflugsmöglichkeiten, Du wirst lach´n, kannst in 5 Tog gar net mach´n! Von mir daher a klana Tip, plan glei ei Dein nächst`n Urlaubstrip!

Beliebte Aktivitäten

• Wellness
• Sport

I bin ned sportlich, weil meine Bana tuan vom viel`n Arbeiten scho wana! Aber de Leut, de no sporteln könnan, de dürfen si dort gern verwöhnan! Zu dem allen gibt`s sogar an Fitnessraum, na, jetzt halt i mi im Zaum! Wäu i - unsportlich wia i bin - war ziemlich rasch entsetzlich hin. Für mi is des a Folterkammer, oiso hör i auf mit dem Gejammer!