Simmernhof Mossendorf

A gonz a scheens Sacherl iss woan - da naie Simmernhof. Grousse Zimmer, a guads Frühstück, Kaffeetscherln koost oisse woss´d mogst. Guade Wurscht unn Kaas, d´ Leit hannd olle freindle - ´d Kiah aa. Bei da Fischerei brauchst de ned plong, koost fost iawaroi zuawe foan midn Audo. Ma fäit se oafoch woi do bei de Owapfäiza Leit - aa wonnst Kinda host, homms fäi Platz zan späin - Katzerl homms aa. I unn mai Bruada woan schaa a boamoi do unn womma derfan, kemman mir oiwai wida gern. Fischn geh - ahja unn hoit ob und zua Fischn geh - ebbs guads essn - amoi bissl umanonnda foan in Boarischen Woid eini - wunerbar erholsam! Owa oisse woss´d wissn mogst, kriagst eh vazäit unn kriagst ghoifan.

Do komma ned fäi schreimm, wia "SAUGUAT". Echt riesig, sauwa - ein Rundum-Wohlfühl-Tempel! Olle Daumen houch!

Weil jo do ned aufkocht wead, koo i ned fäi song. Da Pizzaservice aus Burglengafäid braucht a bissl bis heraussn om Simmernhof, owa ´d Pizza iss guad :-)

A Frühstück, wia ma´s om Lond erwartet. Guade Oa, Wurscht, Kaas, Mamalaad, Orongschnsafterl, prima Kaffee - oisse is do, woss´d brauchst, damitst für an guadn Doog auf´d Fiass kimmst.

Do iss koa Strand - do iss a koa Spektakl. Wonnst di a bissl umschagst unn wonnst amoi gscheit de guade Luft eini ziagst, kimmst in an wundaboan Urlaubs-Modus. Ummadumm de Bleamin unn des Groos - im Herbst, wonn da Newi iwa da Noo aufsteigt, des hott woss, aa wonnst amoi ois Fischer ned so fäi dawischst.

Beliebte Aktivitäten

• Sonstiges

Ausser Fischn mochma nixxn sportmassi. Owa des iss guad - wonnst woast, wias geht. Fisch hand mehra wia gnua do!